Ֆրանսիայի նախկին վարչապետ Պիեռ Մորուան 84 տարեկանում մահացել է հետվիրահատական բարդությունների պատճառով: Այս մասին հայտնում է LifeNews-ը:
Հայտնի քաղաքական գործչի մահվան մասին այսօր հայտարարել է երկրի արտգործնախարար Լորան Ֆաբիուսը: Նրա խոսքով՝ Պիեռ Մորուան եղել է ժողովրդավարական սոցիալիզմի հենասյուներից մեկը:
Նշենք, որ 2012-ի ապրիլին նա ենթարկվել էր թոքերի թարախակույտի հեռացման վիրահատության: 2013-ի հունիսի 1-ին նա հոսպիտալացվել էր, որից մի քանի օր անց կնքել է մահկանացուն:
Պիեռ Մորուան երկրի վարչապետի պաշտոնը զբաղեցրել է 1981-84 թթ.՝ Ֆրանսուա Միտերանի նախագահության շրջանում:
Նրա կաբինետը սոցիալական ոլորտում իրականացրել է մի շարք կարևոր վերափոխումներ. ներմուծվել է 89-ժամյա աշխատանքային շաբաթը, թոշակային տարիք է սահմանվել 60 տարեկանը:
