EUFOR միջազգային խաղաղապահ ուժերը Բոսնիայում և Հերցեգովինայում չեն ծրագրում միջամտել Սարաևոյում գտնվող խորհրդարանի և կառավարության շենքի շուրջ տիրող իրավիճակին, որտեղ հինգշաբթի օրվանից արգելափակվել է մոտ 1500 մարդ: Այս մասին հաղորդում է Ria Novosti-ն՝ վկայակոչելով EUFOR-ի մամլո քարտուղար Հարեթ Ջոնսին:
Իշխանության տվյալներով՝ ցուցարարների կողմից շրջափակված շենքում գտնվում են մոտ 250-300 օտարերկրացի քաղաքացիներ: Դրանց մեծ մասը Հարավարևելյան Եվրոպայի՝ Եվրոպական հիմնադրամի ֆորումի մասնակիցներն են: Օտարերկրյա հյուրերի թվում են կենտրոնական բանկերի 4 ղեկավարներ և բազմաթիվ գործարարներ:
«Մեզ ոչ ոք չի դիմել օգնության խնդրանքով՝ արգելափակումը չեզոքացնելու համար: Մենք միայն կարող ենք աջակցություն ցուցաբերել տեղի իշխանություններին, և մենք սպասում ենք, որ նրանք կկատարեն իրենց պարտականությունները»,- ասել է Ջոնսը:
Բողոքի ցույցի մասնակիցները իշխանություններից պահանջում են վերջնական որոշում կայացնել իդենտիֆիկացիայի հարցով, առանց որի 2013թ.-ի փետրվարի 12-ից հետո ծնված երեխաները չեն կարող անձնական փաստաթղթեր ունենալ:
