Թուրքական Dünya Bülteni լրատվական կենտրոնի փոխանցմամբ՝ քրդամետ «Ժողովուրդների դեմոկրատական» կուսակցության (ԺԴԿ) համանախագահ Սելահաթթին Դեմիրթաշը Ստամբուլում կազմակերպված մամուլի ասուլիսի ժամանակ հայտարարել է, որ «Քրդստանի աշխատավորական» կուսակցությունը (PKK) մի քանի ամիս առաջ հրադադար է ցանկացել Թուրքիայի կառավարության հետ, սակայն Անկարան մերժել է այդ հնարավորությունը:
«Մի քանի ամիս առաջ մենք շփման մեջ էինք Ղանդիլի հետ և փորձում էինք PKK-ին համոզել վերադառնալ բանակցային սեղանի շուրջ: Թուրքական իշխանությունները տեղյակ էին, որ մենք աշխատում ենք այդ ուղղությամբ, սակայն կառավարությունը մերժեց այդ հնարավորությունը: Ես առաջին անգամ եմ հայտարարում այս մասին»,- ասել է Դեմիրթաշը:
