Լրագրողները չեն ենթարկվի հետապնդումների իրենց մասնագիտական պարտականությունները կատարելու համար, հայտարարել է ԱՄՆ գլխավոր դատախազ Էրիկ Հոլդերը:
«Արդարադատության նախարարությունը չի հետապնդել, և քանի դեռ ես ԱՄՆ գլխավոր դատախազը լինելու պատիվն ունեմ, չի հետապնդի որևէ լրագրողի՝ իր աշխատանքներն իրականացնելու համար»,- ասել է Հոլդերը Սենատում լսումների ժամանակ, հաղորդում է Ria Novosti-ն:
«Տեղեկատվության արտահոսքի դեպքերը հետաքննելիս նախարարության նպատակն է բացահայտել և պատասխանատվության ենթարկել կառավարության այն անդամներին, ովքեր վտանգի են ենթարկել ազգային անվտանգությունը՝ խախտելով իրենց երդումը: Մեր նպատակը չէ հարձակվել մամուլի աշխատակիցների վրա կամ խոչընդոտել նրանց աշխատանքը»,- ասել է Հոլդերը:
