Georgia Online-ի փոխանցմամբ՝ Վրաստանի էներգետիկայի նախարար Կախա Կալաձեն հայտարարել է, որ սենսացիոն որևէ բան չի լինի, եթե «Վրացական երազանք» կուսակցության ընտրական կամպանիայում ընդգրկվի նախկին վարչապետ Բիձինա Իվանիշվիլին:
Կալաձեն ընդգծել է, որ տեղյակ չէ՝ արդյոք Բիձինա Իվանիշվիլին կմիջամտի՞ ընտրական կամպանիային, թե՞ ոչ: «Դուք գիտեք, որ «Վրացական երազանք» կուսակցությունը հիմնադրվել է այդ մարդու կողմից, և որ սենսացիոն որևէ բան չկա, որ նա մասնակցի ընտրական կամպանիային:
Ընդհակառակը, կարծում եմ, որ դա պետք է ողջունել: Դա կնպաստի «Վրացական երազանքի» կամպանիայի անցկացմանը: Մենք կքննարկենք, թե նա որ տեսքով կմիջամտի կամ չի միջամտի»:
Խոսելով «Վրացական երազանքի» ընտրական ցուցակի մասին՝ Կալաձեն ընդգծել է, որ այդ ուղղությամբ աշխատանքն ավարտված չէ:
