Չինացի միլիոնատեր Յո Նանշանը հրաժարվել է հարստությունից հանուն հասարակ ֆերմերուհու` Լյու Լիցզյանի, հայտնում է Mashable-ը:
Մինչև 2015 թվականի հոկտեմբերը Նանշանը ապրում էր Իսպանիայում: Սակայն 57-ամյա միլիոնատերը որոշել է հրաժարվել Եվրոպայում իր կարողությունից և ակտիվներից, որպեսզի գնա Չինաստանի Չժենցզյան շրջանի գյուղերից մեկը և կյանքի մնացած մասը անցկացնի իր «իսկական սիրո» հետ:
Զույգը հանդիպել էր 2013 թվականին: Լիցզյանը այրի էր, նրա դուստրն ունի արյան հազվագյուտ հիվանդություն: Երբ միլիոնատերը սեր է խոստովանել, Լիցզյանը այն մերժել է՝ չցանկանալով նրան ծանրաբեռնել իր խնդիրներով: Նանշանը «ոչ»-ը չի ընդունել որպես պատասխան: Նա վերադարձել է Իսպանիա, իր ակտիվներն ու բիզնեսը թողել երեխաներին, որից հետո վերադարձել է Չժեցզյան, որտեղ նրանք ամուսնացել են: Այժմ նրանք ունեն մի փոքր հյուրանոց:
