Անգլիայի Պրեմիեր լիգայի ղեկավարությունը հետաքննություն է սկսել։ Առաջատար «Լեսթեր»-ը կասկածվում է 2013/14թթ մրցաշրջանում ֆինանսական ֆեյր-փլեյի կանոնների խախտման մեջ։
Եթե տեղեկությունները հաստատվեն, ապա թիմը կարող է տուգանվել և զրկվել եվրագավաթներին մասնակցելու իրավունքից։
2014թ․ «Լեսթեր»-ը սկսել է համագործակցել Trestellar Ltd ընկերության հետ։ Թիմի եկամուտը 5․2 մլն ֆունտից հասել է 16 մլն-ի, ինչը հնարավորություն է տվել խուսափել ֆինանսական ֆեյր փլեյի կանոնները խախտելու համար նախատեսված տուգանքից։
Բանն այն է, որ այդ ընկերությունը չունի վեբ-կայք, գրասենյակ, անգամ հեռախոսահամար։ Ակումբի մամլո ծառայությունը հրաժարվել է մեկնաբանություն տալ այս կապակցությամբ։
