Սիրիայից արձակված հրթիռներն ընկել են Թուրքիայի տարածքում. կան վիրավորներ

Թուրքական Son dakika լրատվական կայքի փոխանցմամբ՝ այսօր առավոտյան Սիրիայից արձակված երեք հրթիռներ ընկել են Թուրքիայի Քիլիս նահանգում։ Ընդգծվում է, որ դրանք արձակվել են «Կատյուշա» համակարգերից։

Միջադեպը գրանցվել է ժամը 09:40-ին։ Քիլիսի նահանգապետ Էքրեմ Չեթինը հայտարարել է, որ դրա հետևանքով վիրավորվել է 6 մարդ, որոնցից 3-ի վիճակը ծանր է։

Հաղորդվում է, որ երեկ երեկոյան էլ Քիլիսի վրա ընկել է 5 հրթիռ, ինչի հետևանքով վիրավորվել է 12 մարդ։