«Շուշիի առանձնակի գումարտակի ազատամարտիկների միավորում» ՀԿ վարչությունը հայտարարությամբ է հանդես եկել, որում մասնավորապես ասվում է.
«Ապրիլյան «դիրքային պատերազմի» լարվածության մեղմացումից հետո դարձյալ տարբեր ձևաչափերով շրջանառության մեջ է դրվել Արցախի տարածք օտար զորքեր տեղակայելու մասին հարցը:
ՀՀ Նախագահի աթոռը զավթած Սերժ Սարգսյանը շարունակում է անվերապահ համաձայնություն հայտնել օտար զորքեր տեղակայելուն, ինչը մեկ որակում ունի՝ դավաճանություն:
Ոչ մեկի համար գաղտնիք չէ, որ օտար զորքերի տեղակայումը կհանգեցնի Արցախի կորստի և Հայաստանի ինքնիշխանության զրոյացման:
Ինչպես Սերժ Սարգսյանին, այնպես էլ մեր երկրի տարածք իբրև թե խաղաղության պահպանման նպատակով զորքեր բերելու ծրագրեր ունեցող օտար ուժերը պետք է լավ իմանան, որ նման փորձ կատարելու պարագայում հանդիպելու են համաժողովրդական դիմադրության և ձախողելու են:
Մենք թույլ չենք տալու, որ օտար զորքը ոտք դնի հայ ժողովրդի տևական մաքառման ու մեր մարտական ընկերների արյան գնով ազատագրված հայրենի հողի վրա»:
