Հանրապետական կուսակցությունից ԱՄՆ նախագահի թեկնածու, միլիարդատեր Դոնալդ Թրամփը սխալ է համարել նախընտրական արշավում իր գլխավոր մրցակից, հանրապետական սենատոր Թեդ Քրուզի կնոջ անհաջող լուսանկարի հրապարակումը: Այս մասին հայտնում է korrespondent.net-ը:
«Այո, դա սխալ է եղել: Եթե ինձ հնարավորություն վիճակվեր դա կրկին անելու, ես լուսանկարը չէի ուղարկի»,- հայտարարել է նա:
Սակայն իրեն արդարացնելիս Թրամփը հայտարարել է, որ Քրուզն է «սկսել առաջինը», և «դա տհաճ է եղել»:
Հիշեցնենք, որ կանանց պատճառով Թրամփի և Քրուզի միջև սկանդալը թեժացել է այն բանից հետո, երբ համացանցում է հայտնվել Թրամփի կնոջ փաստորեն մերկ լուսանկարը՝ «ԱՄՆ հաջորդ առաջին լեդին» մակագրությամբ: Դրանում Թրամփը մեղադրել է Քրուզի նախընտրական շտաբին: Սենատորը անմիջապես հայտարարել է, որ ինքը դրա հետ կապ չունի, սակայն Թրամփը նրան մեղադրել է ստելու մեջ: Որոշ ժամանակ անց Թրամփը համացանցում տեղադրել է իր կնոջ գեղեցիկ լուսանկարը Քրուզի կնոջ անհաջող լուսանկարի կողքին:
