Ֆրանսահայ լեգենդար երգիչ Շառլ Ազնավուրը Մարսելում կներկայացնի իր անվան գրական մրցանակը: Այս մասին հայտնում է երգչի պաշտոնական ֆեյսբուքյան էջը: Նշվում է, որ մրցանակը կներկայացվի մայիսի 23-ին։
Գրառման մեջ նշված է նաև, որ Ազնավուրը Երևանում ապրիլի 24-ին կոգեկոչի Ցեղասպանության զոհերին։
Ազնավուրի էջը տարածել է Հայ-ֆրանսիական առևտրաարդյունաբերական պալատի փոխնախագահ Ռիշառ Ֆինդիկյանի գրառումը, որում մասնավորապես նշված է, թե Ֆինդիկյանը հեռախոսազրույց է ունեցել Ազնավուրի հետ, ով տեղեկացրել է, որ հրավիրվել է Երևան ՀՀ նախագահ Սերժ Սարգսյանի կողմից`ապրիլի 24-ին մասնակցելու ոգեկոչման միջոցառումներին: Ազնավուրն այս տարի Հայաստանում կլինի Ջորջ Քլունիի և նրա կնոջ`իրավաբան Ամալ Ալամուդինի հետ:
Ավելի վաղ տեղեկացրել էինք, որ ֆրանսահայ լեգենդար երգիչն ապրիլին Հայաստան կժամանի և կմասնակցի «Ավրորա» մրցանակաբաշխությանը: