Սիրիայի նախագահ Բաշար Ասադը հայտնել է, որ համաձայն է արտահերթ ընտրությունների անցկացմանը, եթե դա ցանկանա ժողովուրդը։ Համապատասխան հայտարարությունը նա արել է RIA Novosti-ին տված հարցազրույցում։
«Եթե նման կամք կա, ապա ինձ համար դա խնդիր չէ։ Միանգամայն բնական է ժողովրդի կամքին արձագանքելը, այլ ոչ թե որոշ ընդդիմադիր ուժերի»,- ասել է Ասադը՝ հավելելով, «որ նման քայլի գնալու համար մեզ պետք է հասարակական կարծիքը Սիրիայում»։
Սիրիայի նախագահի կարծիքով՝ երկրի ղեկավարին պետք է ընտրել քաղաքացիների ուղիղ քվեարկությամբ, ոչ թե խորհրդարանական ընթացակարգով։
Մեկնաբանելով խաղաղ գործընթացի ընթացքը՝ նա նշել է, որ հրադադարը կարելի է համարել «համեմատաբար հաջողված»։
Նախագահի կարծիքով՝ չնայած ամերիկյան և ռուսական կողմին չի հաջողվել համաձայնեցնլ հարցը, թե որ խմբավորումները համարել ահաբեկչական, Դամասկոսը պատրաստ է երկխոսության բոլոր նրանց հետ, ովքեր պահպանում են հրադարի ռեժիմն ու մտադիր են սիրիական կառավարության, Ռուսաստանի և Իրանի հետ պայքարել իսլամիստների դեմ։
