Կուբայի 67-ամյա բնակիչ Խոսե Կաստելար Կայրոն փաթաթել է աշխարհի ամենաերկար սիգարը, որի երկարությունը կազմում է մոտ 70 մետր կամ 230 ոտնաչափ: Խոսեն նախկինում էլ է փաթաթել երկար սիգարներ, սակայն դրանք զգալիորեն ավելի կարճ են եղել այս տարվա պատրաստած սիգարից: 2003թ. այն ունեցել է 14.5 մետր երկարություն, 2005թ.-ին` 21.35 մետր, 2008թ. 45.5 մետր:
Աշխատանքներն այս սիգարի վրա նա սկսել էր այս տարվա ապրիլի 25-ին, իսկ վերջին պտույտը կատարվել է մայիսի 3-ին` օգտագործելով իր ֆերմայում աճեցրած 100%-անոց կուբական ծխախոտ:
Գինեսի գրքի տվյալներով` մինչև հիմա ամենաերկար սիգարն ունեցել է մոտ 60 մետր եկարություն: Այն պատրաստվել է Ֆլորիդայում 2009թ.-ին: Խոսեի սիգարը մինչև ամսի 7-ը կցուցադրվի Կուբայի մայրաքաղաքի այգիներից մեկում:
