Ղրղըզստանի մայրաքաղաք Բիշքեկում մեկնարկել է Հավաքական անվտանգության պայմանագրի կազմակերպության (ՀԱՊԿ) արտգործնախարարների խորհրդի նիստը՝ հաղորդում է RIA Novosti-ն:
Այս տարի կազմակերպությունում նախագահում է Ղրղըզստանը:
«Ուրախ եմ ողջունել ձեզ Բիշքեկում: Հույս ունեմ օգտակար, վստահելի երկխոսության՝ արտաքին քաղաքական գործունեության ակտուալ, մեր կազմակերպության համար սկզբունքային և կարևոր նշանակության հարցերի շուրջ»,- գործընկերներին դիմել է Ղրղըզստանի ԱԳ նախարար Էրլան Աբդուլաևը:
Նրա խոսքերով՝ նիստի շրջանակներում արդեն կայացել են մի քանի երկկողմ հանդիպումներ:
Նշենք, որ ՀԱՊԿ անդամ պետություններն են Հայաստանը, Բելառուսը, Ղազախստանը, Ղրղըզստանը, Ռուսաստանը և Տաջիկստանը: