Թութանհամոն փարավոնի դամբարանի ուսումնասիրությունը հատուկ ռադարի միջոցով հաստատել է դամբարանի պատերից մեկի հետևում գաղտնի տարածքների առկայությունը: Այս մասին հայտնում է .youm7.com-ը՝ հղում անելով Եգիպտոսի հնագիտական հուշարձանների և մշակութային ժառանգության նախարարությունում աղբյուրներին:
Խոսքը երկու գաղտնի սենյակների մասին է փարավոնի դամբարանի պատի հետևում: «Ըստ աղբյուրների՝ հետազոտության արդյունքները ցույց են տվել օրգանական ծագման առարկաների, հնարավոր է՝ ոսկորների կամ ծառի, ինչպես նաև այլ՝ մետաղյա առարկաների առկայությունը»,- գրում է պարբերականը:
Աղբյուրները պնդում են, որ Եգիպտոսի հին հուշարձանների և մշակութային ժառանգության նախարար Մամդուհ ադ-Դամաթին որոշում կընդունի դամբարանը ռադարների միջոցով լրացուցիչ ուսումնասիրելու մասին՝ առաջին ուսումնասիրության արդյունքները հաստատելու համար:
Բրիտանացի գիտնական-հնագետ Նիկոլաս Ռիբզի վարկածով՝ Թութանհամոն փարավոնի դամբարանի պատերից մեկում կարող է լինել հինեգիպտական թագուհի Նեֆերտիտիի գերեզմանի մուտքը, որի գերեզմանը մինչ օրս չեն գտել: Նեֆերտիտին եղել է Էխնաթոնի՝ Թութանհամոնի քեռու կինը:
