Հռոմի պապ Ֆրանցիսկոսը Franciscus անվան ներքո կսկսի Instagram-ում իր ներկայությունն արդեն մարտի 19-ին։ Այս մասին Վատիկանի ռադիոյին հայտնել է Սուրբ գահի պաշտոնական ներկայացուցիչ Դարիո Վիգանոն՝ փոխանցում է ANSA գործակալությունը։
Ավելի վաղ Հռոմի պապը փակ հանդիպում էր ունեցել Instagram-ի հիմնադիր Քվին Սիստրոմի հետ։ Սիստրոմը հովվապետին նվիրել է լուսանկարների գիրք, որում հավաքված են առավել տպավորիչ լուսանկարները, որոնք հրապարակվել են Instagram-ում։ Հունվարին Հռոմի պապը հանդիպել էր Apple-ի ղեկավար Թիմ Կուկի հետ։ Հանդիպման ընթացքում նա համացանցն անվանել էր «Աստծո պարգև» և առողջ հասարակության կառուցման հարթակ։
Վատիկանն արդեն պաշտոնական էջ ունի Instagram-ում, որին բաժանորդագրված են մոտ 80 հազար օգտատերեր։
Հռոմի պապն անձամբ 2012 թվականին օգտահաշիվ է բացել Twitter-ում։ Այժմ հովվապետի էջն ընթերցում է 8.87 մլն օգտատեր։
