Գերմանիայում, որտեղ տեղական ընտրություններ են անցկացվել 3 դաշնային հողերում, էքզիթ փոլերի նախնական տվյալների համաձայն՝ կանցլեր Անգելա Մերկելի քրիստոնեա-դեմոկրատական կուսակցությունը (ՔԴՄ) զգալի կորուստներ է կրել: Այդ մասին հայտնում է BBC-ն:
Ուլտրաաջ «Այլընտրանք Գերմանիայի համար» կուսակցությունը, որը հանդես է գալիս փախստականների ընդունման դեմ և սահմանների փակման կողմ, սկզբնական հաղորդումների համաձայն՝ այժմ կներկայացվի բոլոր 3 հողերի խորհրդարաններում, իսկ Սաքսոնիա-Անխալտում կարող է ստանալ պատգամավորական տեղերի 20%-ը: Ընդ որում՝ Գերմանիայի արևելյան այդ շրջանում խոշորագույն կուսակցությունը մնում է ՔԴՄ-ն:
Այդ նույն տվյալներով, Կանաչների կուսակցությունը հասել է լուրջ հաջողությունների Բադեն Վյուտերբերգի հողում, որտեղ նրանք ստացել են մեծամասնությունը, իսկ Ռեյնլանդ-Պֆալցում սոցիալ-դեմոկրատները առաջին տեղից դուրս են մղել քրիստոնեա-դեմոկրատներին:
