Ամերիկյան Giant Screen Films կինոստուդիան և BBC Earth փաստագրական հեռուստաալիքը որոշել են միավորել ջանքերը Golden Gate 3D ստուդիայի հետ՝ Կուբայի մասին նոր լայնաֆորմատ ֆիլմի արտադրության համար, որը կնկարահանվի բացառապես կղզում: Այս մասին հայտնում է Progreso Semanal առցանց պարբերականը:
Ֆիլմում կօգտագործվեն կուբացի նկարիչների և արտիստների, պատմաբանների և գիտնականների մեկնաբանություններ: Ֆիլմի հեղինակները պնդում են, որ կղզում առաջին անգամ իրենք կկիրառեն լայնաֆորմատ կինեմատոգրաֆիկ համակարգ հսկայական էկրանների համար:
Համաշխարհային վարձույթում աշխատանքային «Կուբա» անվանումով ֆիլմի տարածումով կզբաղվի Giant Gate 3D ընկերությունը:
Ֆիլմի ռեժիսորը կլինի Փիթեր Չանգը, սցենարը գրել է Մոուզոմ Ռիչարդսոնը: Հեղինակները ծրագրում են ֆիլմը էկրան հանել 2017թ.: Փաստագրական ֆիլմում պատմվում է ժողովրդի մշակույթի, նրա գաղութային ճարտարապետության և անձեռնմխելի էկոլոգիական համակարգերի մասին այն ժամանակ, երբ երկրում տեղի են ունենում տնտեսական և սոցիալական փոփոխություններ:
