Լոնդոնի կենտրոնում կիրակի օրը հազարավոր մարդիկ դուրս են եկել ցույցի` Թուրքիայի հակաքրդական քաղաքականության դեմ, հայտնում է TASS-ը: Ցուցարարները Անկարայից պահանջում են դադարեցնել քրդերի դեմ բռնությունները:
«Դադարեցրե՛ք Թուրքիայի պատերազմը քրդերի դեմ», «Դիմադրություն` կյանք, լռություն`մահ», գրված են ցուցարարների պաստառների վրա:
Ցուցարարները նաև մեղադրում են Անկարային` ԴԱԻՇ-ին աջակցության համար: «ԴԱԻՇ-ը ստեղծվել է Թուրքիայում», գրված է մի շարք պաստառների վրա:
Ակցիայի մասնակիցներն իրենց հետ ունեն նաև Քրդստանի աշխատավորական կուսակցության և Քրդստանի ազատ կյանքի կուսակցության դրոշներ:
