Կենսաբանները պարզել են, որ միջատներից Pantala flavescens տեսակի ճպուռը ճանապարհորդում է ամենաերկար տարածությունը: Հետազոտությունը հրապարակված է PLoS ONE ամսագրում:
Գիտնականներին դա հաջողվել է պարզել ճպուռի գենետիկ հետազոտության միջոցով: Պարզվել է, որ Կանադայում, Ճապոնիայում, Կորեայում, Հնդկաստանում և Հարավային Ամերիկայում ապրող այդ միջատները այնքան նման են գենետիկայով, ինչը հնարավոր է միայն միմյանց հետ խաչասերվելու դեպքում:
Ճպուռի հետագա հետազոտությունը ցույց է տվել, որ նրանք իրոք ընդունակ են անցնելու հսկայական տարածություններ` կատարելով միջատների մեջ ամենաերկարատև թռիչքները: Դրան օգնում է նրանց թևերի հատուկ կառուցվածքը: Համեմատած մյուս ճպուռների հետ՝ դրանք շատ մեծ մակերես ունեն, որի շնորհիվ օդում գտնվելու ժամանակի մեծ մասը էներգիա չեն ծախսում` տեղափոխվելով օդային հոսանքներով:
