Մենք բոլորս հետաքրքրությամբ հետևում ենք համաշխարհային աստղերի կյանքին: Մեզ հետաքրքրում է նրանց կյանքի յուրաքանչյուր մասնիկը: Հաճախ թվում է՝ նրանք տարբերվում են սովորական մարդկանցից, իրականում այդպես չէ: Նրանք սովորական մարդկանց պես կարող են ամենաանսպասելի վախերն ունենալ: novosti-n.org-ը ներկայացնում է ամենաարտասովոր ֆոբիաներն ունեցող հայտնիներին:
Ջոնի Դեպ
Միլիոնավոր կանանց սիրելի այս դերասանը մահու չափ վախենում է ծաղրածուներից: «Նրանց ժպիտը ինձ սարսափեցնում է»,- ասում է դերասանը:
Միշել Ռոդրիգես
Դերասանուհին մոտ 20 անգամ թռել է անկարգելով (պարաշյուտով), որպեսզի հաղթահարի բարձրության վախը: Նա նաև վախենում է խորությունից և ականջները ծակելու գործողությունից:
Քրիստեն Ստյուարտ
Քրիստենը վախեցել է ձիերից. մանուկ հասակում նա ընկել է ձիուց: Ի պատիվ նրա պետք է ասել, որ «Սպիտակաձյունիկը և որսորդը» ֆիլմում նկարահանվելու համար նա հաղթահարել է այդ վախը:
Ռոբերտ Պաթինսոն
Իսկ ահա Քրիստենի խաղընկեր Պաթինսոնը սարսափում է 13 թվից, նա նաև սև կատու տեսնելիս պարտադիր փոխում է ճանապարհը:
Քրիստինա Ռիչի
Քրիստինան տառապում է, այսպես կոչված, բուսաֆոբիայով. նա վախենում է բույսերից:
Ռոջեր Մուր
Որքան էլ տարօրինակ թվա, Ջեյմս Բոնդի դերը մարմնավորած դերասանը վախենում է զենքից: Զենք տեսնելիս նրա մոտ նյարդային տիկեր են առաջանում:
Դևիդ Բեքհեմ
Հայտնի ֆուտբոլիստը թույլ չի տալիս իր կնոջը տանը կատու պահել, որովհետև նրան թվում է, որ դա կհանգեցնի տանը մկների հայտնվելուն:
Պամելա Անդերսոն
Երկրագնդի տղամարդկանց գրեթե կեսի երազանք հանդիսացող այս կինը վախենում է հայելիներից, սարսափում է, երբ ինքն իրեն տեսնում է հայելու մեջ, նա չի դիտում անգամ իր մասնակցությամբ հեռուստահաղորդումները:
Նիկոլ Քիդման
Նիկոլ Քիդմանը վախենում է թիթեռներից:
Լերա Կուդրյավցևա
Հեռուստահաղորդավարուհին սարսափում է ամպրոպից:
Աննա Սեմենովիչ
Աննան շատ է վախենում մթությունից և առնետներից:
Սթիվեն Սփիլբերգ
Նա խուսափում է վերելակներից, գերադասում է աստիճաններով բարձրանալ:
Վուդի Ալեն
Այս ռեժիսորին կարելի է վախերի քանակով չեմպիոն համարել: Նա այս կամ այն չափով վախենում է միջատներից, երեխաներից, արևի լույսից, փոքր սենյակներից, շներից, բարձրությունից, մարդկանց բազմությունից, քաղցկեղով կամ այլ հիվանդություններով հիվանդանալուց, և սա դեռ ամենը չէ:
