Փարիզի միջազգային գյուղատնտեսական ցուցահանդեսում տեղի են ունեցել անկարգություններ: Ցուցարարները քանդել են գյուղատնտեսության նախարարության տաղավարը՝ հայտնում է Trend-ը:
Ցուցարարները սուլել են նախագահ Ֆրանսուա Օլանդին, ով եկել էր բացելու ցուցահանդեսը, բացականչել են նրա հրաժարականի վերաբերյալ կարգախոսներ: Ոմանք հագել են մարզաշապիկներ՝ «Ես ֆերմեր եմ, ես մահանում եմ» գրություններով:
Դեպքի վայր են ժամանել անվտանգության ուժերը, որպեսզի հանգստացնեն ցուցարարներին:
Միջազգային գյուղատնտեսական ցուցահանդեսը կշարունակվի մինչև մարտի 6-ը: Ակնկալվում է, որ այցելուների թիվը կհասնի 650 հազարի:
