Սկանդալային WikiLeaks ծառայության գլխավոր խմբագիր Ջուլիան Ասանժը հայտարարել է, որ իր տրամադրության տակ են բրիտանական հատուկ ծառայությունների էլեկտրոնային փոստի նամակներ, որոնցում ասվում է, որ Ասանժի հասցեին ուղղված սեռական ոտնձգությունների մասին բոլոր վկայությունները կեղծ են:
Իսպանական Salvados հեռուստաալիքին տված հարցազրույցում WikiLeaks-ի հիմնադիրը պատմել է, որ հասանելիություն է ստացել Կառավարական կապերի կենտրոնի աշխատակիցների էլեկտրոնային փոստ:
Զրույցի ընթացքում Ասանժն ընթերցել է 2012-ի սեպտեմբերին թվագրվող նամակագրությունից մի հատված, որում ասվում է. «Նրանք փորձում են ձերբակալել նրան սեռական ոտնձգության համար, սակայն ակնհայտ է, որ դա կեղծիք է»:
Նամակներից մեկում էլ գրված է որ Ասանժը հույս ունի 6 կամ 12 ամիս Լոնդոնում Էկվադորի դեսպանատանը գտնվել՝ այդպիսով ստիպելով, որ Շվեյցարիան հրաժարվի մեղադրանքներից, սակայն նա «լավատես հիմար է»:
Նա Լոնդոնում Էկվադորի դեսպանատանն է թաքնվում արդեն 11 ամիս:
