Հունաստանը ծրագրում է մինչև հուլիսի կեսը վաճառել Postbank և Proton բանկերը: Պատճառն այն է, որ խոշոր բանկերը բանկային ոլորտի վերականգնման ծրագրի շրջանակում շարունակում են կլանել ոչ մեծ վարկային հաստատությունները՝ հայտնում է Vesti.ru-ն:
Բանկերը ներկայում գրեթե ամբողջությամբ պատկանում են Ֆինանսական կայունության հունական բանկին, որը ֆինանսավորվում է երկրի օգնության 50 միլիարդանոց փաթեթի հաշվին:
Հավելենք. ավելի վաղ ԵՄ-ի ու ԱՄՀ-ի գնահատմամբ՝ 50 մլրդ եվրոն բավականաչափ գումար է Հունաստանի բանկային ոլորտը վերակազմավորելու համար, ու դեռ բավականաչափ գումար էլ կմնա հաջորդ՝ սթրես-թեստավորման համար, որը պետք է ավարտվի 2013թ. վերջին:
