Կիրակի օրը Լիբանանի հյուսիսային Տրիպոլի քաղաքի մերձակայքում վերսկսվել են միջհամայնքային բախումները: Կողմերը կիրառում նռնականետեր և խոշոր տրամաչափի գնդացիրներ՝ տեղեկացնում է լիբանանյան Ազգային տեղեկատվական գործակալությունը:
Կրակ է բացվել Ջեբել Մոհսեն քաղաքի ալավիական շրջանի և սունիական Բաբ Ալ-Թաբան թաղամասի բաժանարար գծի երկայնքով: Ծանր վիրավորվել է Լիբանանի ներքին անվտագության ծառայության աշխատակիցը: Տրիպոլին Աքքարի հետ կապող դաշնային ավտոմայրուղին գնդակոծվում է Բաբ Ալ-Թաբան շրջանի դիպուկահարների կողմից: Երթևեկությունը կաթվածահար է եղել:
Գործակալության տվյալներով՝ հրաձգությունը սկսվել է երկու երիտասարդների միջև կոնֆլիկտի պատճառով: Լիբանանյան բանակի ստորաբաժանումները պատասխան կրակով ճնշում են այն դիրքերը, որտեղից կրակ է բացվում: Բեյրութը Տրիպոլիի հետ կապող ավտոմայրուղին փակ է:
Սիրիական ընդդիմությանը աջակցող սունիների և Սիրիայի իշխանություններին պաշտպանող ալավիների միջև կատաղի բախումները Լիբանանում շարունակվում են արդեն վեց ամիս:
