Հայաստանի Հանրապետության Արդարադատության նախարարության քրեակատարողական ծառայությունում փետրվարի 24-ին տեղի է ունեցել վարչության պետ, գեներալ-մայոր Արթուր Օսիկյանի հանդիպումը ԱՄՆ դեսպանության Թմրամիջոցների դեմ պայքարի և իրավապահ համագործակցության (ԹՊԻՀ/INL) գրասենյակի ներկայացուցիչների, մասնավորապես, քրեակատարողական հարցերով և պրոբացիայի գծով խորհրդատու Էնթոնի Սթրևելերի, ԹՊԻՀ ծրագրի ղեկավար Ջեք Անդե րսոնի և ԹՊԻՀ ծրագրի պատասխանատու Կարինե Քեշաբյանի հետ:
Ինչպես տեղեկացրին ՀՀ ԱՆ ՔԿՎ հանրային կապերի բաժնից, հանդիպման սկզբում, գոհունակություն հայտնելով ընդունելության համար, Էնթոնի Սթրևելերը կարևորել է քրեակատարողական ոլորտում հայ-ամերիկյան համագործակցությունը`հույս հայտնելով, որ անկախ մշակութային, վարչարարական և օրենսդրական տարբերություններից`այդ փոխգործակցությունը նպաստավոր կլինի երկու կողմերի համար էլ, քանզի այն երկուստեք միտված է նույն նպատակի իրագործմանը:
Ի պատասխան, ՀՀ ԱՆ ՔԿՎ պետ, գեներալ-մայոր Արթուր Օսիկյանն իր շնորհակալական խոսքն է հայտնել ԱՄՆ կառավարությանն ու ՀՀ-ում ԱՄՆ դեսպանությանն արդյունավետ համագործակցության, մասնավորապես,կառավարման օրինակելի մոդելի, տեղամասային կառավարիչների ինստիտուտի ներդրման, փորձագիտական խորհրդատվության և փոխադարձ այցերի համար:
Քննարկվել են պրոբացիոն ծառայության ներդրման և կենսունակության, ՔԿԾ-ում աստիճանական կրթական համակարգ ստեղծելու, բարեփոխումների կայունության անշրջելիության, թմրանյութերի դեմ պայքարի միջոցների արդյունավետության, փոխգործակցության հուշագրի ստորագրման հնարավորությունների և փոխադարձ հետաքրքրություն ներկայացնող այլ հարցեր:
Հանդիպման ավարտին ձեռք է բերվել համագործակցության շարունակականությունն ապահովելու պայմանավորվածություն: