Սիրիան համաձայնել է ԱՄՆ-ի և ՌԴ-ի մշակած՝ ռազմական գործողությունների դադարեցման ծրագրին: SANA գործակալության հաղորդմամբ՝ այս մասին հայտարարել են Սիրիայի ԱԳՆ-ում:
Դամասկոսը միաժամանակ իրեն իրավունք է վերապահում «ադեկվատ պատասխան տալ» Սիրիայի քաղաքացիների կամ երկրի զինված ուժերի նկատմամբ զինված խմբավորումների կողմից պայմանավորվածությունների ցանկացած խախտման համար:
Նախօրեին ԱՄՆ-ը և Ռուսաստանը Սիրիայում փետրվարի 27-ից կրակի դադարեցման մասին համաձայնագիր են ստորագրել:
Սիրիայի ընդդիմությունը հայտնել է, որ ընդունում է զինադադարի մասին գործարքը մի շարք հումանիտար պահանջների պահպանման պայմանով:
