Գիտնականների միջազգային խումբը հայտարարել է, որ XX դարում ծովի մակարդակը զգալիորեն արագ է բարձրացել, քան նախորդ 27 հարյուրամյակներից ցանկացածում: Այս մասին գրում է BBC-ն:
Հետազոտության համաձայն՝ XX դարում ծովի մակարդակը բարձրացել է 14 սմ-ով: Գիտնականների կարծիքով՝ դա ուղղակիորեն կապված է գլոբալ տաքացման հետ, առանց որի այդ ցուցանիշն առնվազն երկու անգամ ցածր կլիներ:
Հետազոտողների պնդմամբ՝ ծովի մակարդակը սկսել է կտրուկ աճել Սառցե փոքր ժամանակաշրջանի ավարտից հետո և XIX դարում արդյունաբերական հեղափոխության սկսվելով: Նրանք նաև կարծում են, որ նորմալ էկոլոգիական պայմաններում անցյալ դարում Համաշխարհային օվկիանոսի մակարդակը կբարձրանար առավելագույնը 7 սմ-ով:
