Բրիտանական Reuters լրատվական գործակալության փոխանցմամբ՝ Moody’s միջազգային վարկանշային գործակալությունը կարծում է, որ Իրանի վերադարձը բացասաբար կանդրադառնա գերհագեցած նավթային շուկայի վրա, սակայն գործընթացին կարող են խանգարել բուն երկրի արտադրական խնդիրները։
Moody’s-ի զեկույցի համաձայն՝ ակնկալվում է, որ Իրանը 2016 թվականին համաշխարհային շուկա կհանի օրական հավելյալ 500.000 բարել նավթ, ինչը կխորացնի գների վրա ճնշումը։ Moody’s-ի գնահատմամբ՝ Իրանը դրա հետ մեկտեղ բախվել է նաև արտադրության մեծացման դժվարությունների։
Խոչընդոտներից մեկը ենթակառուցվածքների հնանալն է, իսկ արդիականացման համար անհրաժեշտ է ներդնել 150-200 միլիարդ դոլար։
