Վրաստանը պետք է ամեն ինչ անի Ռուսաստանի հետ հարաբերությունների բարդացումից խուսափելու համար: Այդ մասին հայտարարել է Վրաստանի վարչապետ Գեորգի Կվիրիկաշվիլին:
«Ռուսաստանի հետ հիմնարար խնդիրները մնում են: Հիմնական խնդիր ունենք բռնազավթման տեսքով, և մենք տեսնում ենք, որ այդ ուղղությամբ ոչ մի դրական տեղաշարժ չկա: Մենք նաև դրական տեղաշարժ չունենք այն ուղղությամբ, որ Ռուսաստանը հարգի արևմտյան ինտեգրման մասին մեր ինքնիշխան որոշումները: Չնայած դրան` մենք պետք է անենք ամեն ինչ, որպեսզի խուսափենք որևէ ռիսկից բարդացնելու այն դրությունը, որի մեջ մենք այժմ գտնվում ենք»,- ասել է Կվիրիկաշվիլին:
