Նյու Յորքի իրավապահները չեն կարող տասնյակ հանցագործություններ բացահայտել, որովհետև հասանելիություն չեն ստանում Apple ընկերության iPhone սմարթֆոններում պահվող կոդավորված տեղեկությանը: TASS-ի հաղորդմամբ՝ այս մասին հինգշաբթի մամլո ասուլիսի ժամանակ հայտարարել են այդ քաղաքի ոստիկանության և դատախազության պաշտոնական ներկայացուցիչները:
Նյու Յորքի Մանհեթեն թաղամասի շրջանային դատախազ Սայրուս Վենսը նշել է, որ միայն քաղաքի քրեագիտական լաբորատորիաներից մեկում պահվում է 175 հատ iPhone, որոնց իշխանությունները չեն կարողանում հասանելիություն ստանալ, քանի որ դրանցում գրանցված տեղեկությունը կոդավորված է: Apple-ի համար իր սարքերում տեղեկությունների կոդավորումը ստանդարտ պրակտիկա է: Միաժամանակ, շատ սմարթֆոններ պաշտպանված են ծածկագրով: Այն մի քանի անգամ սխալ հավաքելու դեպքում ամբողջ տեղեկությունը ջնջվում է:
Վենսը չի նշել՝ իրավապահները հատկապես որ գործերը չեն կարողանում բացահայտել iPhone-ների պատճառով:
