Նեպալում ուսումնական տարին դեռ ավարտված չէ, սակայն շատ դպրոցներ արդեն փակ են Ջայրկոտ շրջանում:
Ուսումնական հաստատության դռներին փակցված է «Դպրոցը փակ է: Բոլորը գնացել են վիագրա հավաքելու» գրությունը՝ հայտնում է ITAR-TASS-ը:
Արդեն առաջին տարին չէ, երբ գարնան վերջին նեպալցի աշակերտները դպրոցից փախչում են լեռները՝ հավաքելու հազվագյուտ հանդիպող բույս, որը կոչվում է «Հիմալայների վիագրա»:
Չինաստանում ու Հարավարևելյան Ասիայում այն համարվում է սեքսուալ պոտենցիան բարձրացնելու միջոց: Այդ թանկարժեք բույսի 1 կիլոգրամի դիմաց վճարվում է մինչև 20 հազար դոլար:
Աղքատ նեպալցիներին նման գումարը հեքիաթային է թվում, սակայն միաժամանակ՝ միանգամայն իրական: Դրա համար պետք է բարձրանալ լեռան լանջերը ու պարկերով հավաքել բույսը:
Միայն Ջայրկոտում ներկայում վիագրա հավաքելու է գնացել մոտ 8 հազար աշակերտ, և ուսուցիչները ուժ ու հնարավորություն չունեն նրանց վերադարձնելու դպրոց:
