2013թ. փետրվարին Թուրքիայում գործազրկությունը կազմել է 10.5%, ինչը 1.5%-ով բարձր է 2012թ. նույն ժամանակահատվածի համեմատ: Ինչպես հաղորդում է Trend գործակալությունը, այս մասին վկայում է Թուրքիայի վիճակագրության ինստիտուտի հաշվետվությունը:
Հաշվետվության համաձայն՝ Թուրքիայի քաղաքներում գործազրկությունը կազմել է 12%, իսկ գյուղերում՝ 7.3%: Փետրվարի դրությամբ Թուրքիայում պաշտոնապես գործազուրկ է համարվել 2.8 միլիոն մարդ:
Վերոնշյալ ամսվա ընթացքում Թուրքիայում աշխատանքով ապահովվել է 120 հազար մարդ՝ 14%-ով ավելի նախորդ տարվա համեմատ:
Հաշվետվությունում նշվում է, որ փետրվարին անօրինական աշխատողների թիվը կրճատվել է 1.1%-ով՝ 2012թ. նույն ժամանակահատվածի համեմատ: