ԱՄՆ Կոնգրեսի Ներկայացուցիչների պալատի խոսնակ Փոլ Ռայենը հայտարարել է, որ ԱՄՆ ներկա նախագահ Բարաք Օբաման ԱՄՆ նախագահների մեջ իր ամենաչսիրած նախագահն է: Այդ մասին նա ասել է հարցազրույցի շրջանակում, որի տեսանյութը տեղադրվել է YouTube-ում, գրում է gazeta.ru-ն:
«Ակնհայտ է, որ ես Բարաք Օբամայի մեծ երկրպագուն չեմ: Նա իմ ամենաչսիրած նախագահն է»,- ասել է Ռայանը:
Նա նաև ավելացրել է, որ իր ամենասիրած նախագահը Ջեյմս Մեդիսոնն է՝ «Սահմանադրության հայրը»: Խոսնակը նշել է իշխանության տարանջատման սկզբունքը, որով առաջնորդվել է Մեդիսոնը: Հենց նա է մշակել «զսպումների և հակակշիռների» համակարգը, որի շնորհիվ տարանջատվել են գործադիր, օրենսդիր և դատական պարտավորություններն իշխանության տարբեր թևերի միջև:
Հանրապետականները հաճախ են ասում, որ Օբաման իր կառավարման ընթացքում դուրս է եկել իր գործադիր իշխանության շրջանակից:
