Բրիտանական The Rolling Stones ռոք խումբը շուրջօրյա պահպանության տակ է կողոպտիչների ձեռքով երաժիշտների վարձու աշխատակիցներից մեկի սպանության դեպքից հետո: Այդ մասին հայտնում է The Mirror-ը:
Ողբերգական դեպքը տեղի է ունեցել փետրվարի 13-ին Արգենտինայի Լա Պլատա քաղաքում, համերգից հետո: Ավազակները 3 ավտոմեքենաներով հարձակվել են 55-ամյա Պեդրո Լուիս Տաբարեսի վրա՝ համերգի ժամանակ վաճառված ալկոհոլի գումարը գողանալու նպատակով: Դատելով ավտոմեքենայի երթուղու մասին տեղեկացվածությունից՝ հանցագործները տեղեկացնող են ունեցել:
The Rolling Stones խումբը որոշել է կատարվածից հետո ուժեղացնել անվտանգության միջոցառումները: Երաժիշտներն առանձին կճամփորդեն՝ շուրջօրյա զինված պահպանությամբ:
Ծրագրվում է, որ թիկնապահները երաժիշտների հետ կմնան ոչ միայն Արգենտինայում, այլև Բրազիլիայում, Ուրուգվայում, Պերուում և Կոլումբիայում՝ խմբի հարավամերիկյան շրջագայության հաջորդ երկրներում:
Հաղորդվում է նաև, որ հարձակվածներից մեկը՝ 31-ամյա կոլումբիացի Հոն Ալեխանդրո Բոբադիլյա Վեգան, արդեն ձերբակալված է:
The Rolling Stones-ի հարավամերիկյան America Latina Olé շրջագայությունը մեկնարկել է 2016-ի փետրվարի 3-ին Չիլիի մայրաքաղաք Սանտյագոյում, պետք է ավարտվի մարտի 17-ին՝ Մեքսիկայի Մեխիկո քաղաքում:
