Sony Pictures Entertainment-ը շահել է համակարգչային Angry Birds խաղի մոտիվներով լիամետրաժ ֆիլմ նկարահանելու իրավունքը: Ինչպես հայտնի է դառնում ընկերության տարածած մամլո հաղորդագրությունից՝ ֆիլմը կնկարահանվի եռաչափ ձևաչափով:
Angry Birds ֆիլմի պրոդյուսերական աշխատանքը և ֆինանսավորումը կիրականացնի Rovio ֆիննական ստուդիան, որը մշակել է խաղը: Հաղորդագրության մեջ նշվում է, որ ֆիլմը կթողարկվի 2016-ի հուլիսի 1-ին: Ֆիլմի արտադրությունը կսկսվի առաջիկա ամիսներին:
Հիշեցնենք, որ 2013-ի մարտին Rovio-ն սկսել է ցուցադրել հեռուստատեսային մուլտսերիալը, որը նկարահանվել է Angry Birds-ի մոտիվներով: Ծրագրված է ցուցադրել 52 սերիա:
