ԱՄՆ-ի Կենտրոնական հետախուզական վարչությունը (ԿՀՎ) ենթադրում է, որ Սիրիայի նախագահ Բաշար Ալ-Ասադը կստանա իր քաղաքացիների 75%-ի աջակցությունը, եթե երկրի ղեկավարի ընտրությունները կայանան հաջորդ տարի: Այս մասին հաղորդում է «Ալ-Մանար» լիբանանյան հեռուստաալիքը՝ վկայակոչելով վարչության տվյալները:
Հեռուստաալիքի հաղորդմամբ՝ ԿՀՎ-ի զեկույցներում ասվում է, որ Ալ-Ասադը նախագահի պաշտոնին կարող է մնալ մինչև 2020թ.: «Ալ-Մանար»-ի տվյալներով՝ ամերիկյան հետախուզությունը նման եզրակացության է եկել Սիրիայից ստացվող հաղորդագրությունների և հարցումների արդյունքների հիման վրա:
Հեռուստաալիքը, վկայակոչելով վարչությանը, նաև հաղորդում է, որ Ալ-Ասադը սկսել է ժողովրդականություն ձեռք բերել Սիրիայում ապստամբների դեմ մարտերում կառավարական զորքերի հաջողությունների շնորհիվ:
Միևնույն ժամանակ, հեռուստաալիքը չի հաղորդում, թե ինչպես է նման տեղեկատվություն ձեռք բերել:
Ինչպես հաղորդում է Interfax-ը, արևմտյան ԶԼՄ-ները նման տվյալներ չունեն:
