Uber առցանց տաքսի պատվիրելու ծառայության օպերատորը համաձայն է ԱՄՆ-ում իր մի շարք հաճախորդներին 28,5 մլն դոլար վճարել անվտանգության միջոցառումների և սակագների մասին ոչ ճիշտ տեղեկության համար: Այս որոշման մասին Uber-ը հինգշաբթի տեղեկացրել է Կալիֆոռնիա նահանգի Սան Ֆրանցիսկոյի դաշնային դատարանին, հայտնում է TASS-ը:
Խոսքն այն մարդկանց մասին է, որոնք ծառայությունից օգտվել են 2013 թ. հունվարի 1-ից մինչև 2016 թ. հունվարի 31-ը: Նրանց մի մասը հայց է ներկայացրել Uber-ի դեմ՝ նրան մեղադրելով հաճախորդներին գիտակցաբար մոլորեցնելու համար: Մասնավորապես, երթևեկության սակագնի մեջ ներառված է եղել 2,3 դոլար՝ վարորդների հուսալիության երաշխիքի համար: Իրականում Uber-ը մանրամասն չի ստուգում վարորդերին, որոնցից, ի տարբերություն պրոֆեսիոնալ տաքսիստների, մատնահետքեր չեն վերցնում և բազայով չեն ստուգում:
Ծառայությունը նաև զիջել է այն հայցվորներին, որոնք հրաժարվել են գովազդում կեղծ տերմինների օգտագործումից: Այսուհետ ԱՄՆ-ում «երթևեկության անվտանգության համար վճարը» վերանվանվել է «կանչի համար վճարի»:
Uber-ի դեմ դատական հայցեր անցած տարի եղել են Բելգիայում, Գերմանիայում, Նիդերլանդներում, Իսպանիայում: Ընկերությանը կասկածում են աշխատանքում չարտոնագրված տաքսիներ ներգրավելու և փոխադրումների ոլորտում մի շարք խախտումների համար: Ֆրանսիայում ծառայության աշխատանքը լրջորեն սահմանափակող օրենք է ընդունվել:
