ԱՄՆ նախագահ Բարաք Օբաման իր թվիթերյան պաշտոնական էջում շնորհավորել է գիտնականներին ձգողական ալիքների բացահայտման կապակցությամբ:
«Էյնշտեյնը ճիշտ էր: Շնորհավորում եմ NSF-ին և LIGO-ին ձգողական ալիքների բացահայտման՝ հսկայական բեկման կապակցությամբ առ այն, թե մենք ինչպես ենք հասկանում տիեզերքը»,- գրել է Օբաման:
Ազգային գիտական հիմնադրամը (NSF) ԱՄՆ կառավարությանը կից անկախ գործակալություն է, որը պատասխանատու է գիտության ու տեխնոլոգիաների զարգացման համար: 1992թ. հիմնադրամը ֆինանսավորում է LIGO միջազգային նախագիծը, որի շրջանակներում են արվել ուսումնասիրությունները:
Այսօր ավելի վաղ LIGO-ն պաշտոնապես հայտարարել է, որ իրենց հաջողվել է բացահայտել ձգողական ալիքներ, որոնք, ինչպես համարում են գիտնականները, ծնվում են սև խոռոչների միաձուլումից:
Ալբերտ Էյնշտեյնն առաջին անգամ կանխագուշակել է ձգողական ալիքների գոյությունը 100 տարի առաջ՝ իր հարաբերականության տեսության մեջ: Ձգողական ալիքները տարածության և ժամանակի մեջ առաջանում են զանգվածների շարժումից:
