1946թ. այս օրը Երևանում մահացավ ՀԽՍՀ ժողովրդական դերասան (1935-ից) Գրիգոր Ավետյանը:
Նպաստել է ազգային թատերական մշակույթի ստեղծագործական աճին։ Նրա խաղը նշանավորվել է ինքնաբերականությամբ, հումորով, բարձր ճշգրտության ժեստերով և արտասանությամբ:
Ծնվել է 1870թ. հունվարի 21-ին: Համագործակցել է հայտնի հայ դերասաններ Հովհաննես Աբելյանի և Սիրանույշի հետ։ 1888թ. կազմակերպել է թատերախումբ՝ շրջելով Ռուսաստանում, Թիֆլիսում, Բաքվում և Կովկասի այլ քաղաքներում, Թուրքիայում և Ռումինիայում։
1923-ից հանդես է եկել Երևանի Առաջին պետական թատրոնում (այժմ՝ Գաբրիել Սունդուկյանի անվան ակադեմիական թատրոն)։ Ստեղծել է մի շարք վառ կատակերգական դերեր։ Դերերը թատրոնում՝ Գիքո՝ Գ.Սունդուկյանի «Պեպո», Սաղալել՝ Ա.Շիրվանզադեի «Պատվի համար», Ծիպլիծտուր՝ Ա.Շիրվանզադեի «Նամուս», Մանուկ-աղա՝ Հ.Պարոնյանի «Մեծապատիվ մուրացկաններ», Լուկա՝ Մ.Գորկու «Հատակում», Բոբչինսկի՝ Ն.Գոգոլի «Ռեվիզոր»:
Դերերը կինոյում՝ «Ավազակ Արսեն»-ում՝ գեներալ, «Շոր և Շորշոր»-ում՝ ջրաղացպան, «Արևի զավակը»՝ ծերունի, «Պեպո»-ում՝ Գիքո: Զբաղվում էր նաև ռեժիսուրայով։
Թարգմանել է հայերենի մի շարք բեմադրություններ, այդ թվում՝ Մաքսիմ Գորկու «Հատակում»-ը։ Գրել է թատերական հուշեր «45 տարի հայկական բեմում» վերնագրով։
