ԱՄՆ Գերագույն դատարանը կասեցրել է Օբամայի «Մաքուր էներգիա» ծրագիրը։ Այժմ դատարանը մտադիր է լսել հակառակորդների՝ ծրագրին ուղղված բոլոր առարկությունները։
Համաձայն ծրագրի՝ ԱՄՆ էլեկտրակայանների ջերմոցային գազերի արտանետումները պետք է մինչև 2030 թվականը կրճատվեն 1/3-ով։
Հունվարին Կոլումբիայի շրջանի Վերաքննիչ դատարանը մերժել է 17 նահանգների ներկայացուցիչների խմբին, ովքեր մտադիր էին կասեցնել Օբամայի ծրագրի գործողությունը։
Նախագահի առաջարկի համաձայն՝ յուրաքանչյուր նահանգ կստանա ծրագրվող կրճատումների իր քվոտան։
Բարեփոխման հակառակորդները Օբամային մեղադրում են այն բանում, որ նա «պատերազմ է հայտարարել» ածխարդյունաբերությանը։ Ածխի հաշվին է ապահովվում երկրի էներգետիկ պահանջների մոտ 1/3-ը։
Ծրագրին դեմ են հանքափորները, ովքեր վախենում են կորցնել աշխատանքը, դեմ է նաև ամերիկյան քաղաքների ազգային լիգան։
