ԱՄՆ դաշնային բյուջեի նախագիծը, որը երեքշաբթի ներկայցվել է Սպիտակ տան կողմից, 2017 թվականին նախատեսում է 6.2 միլիարդ դոլար տրամադրել աշխարհում փախստականներին օգնելու համար, հայտնում է RIA Novosti-ն:
Փաստաթղթում նաև նշվում է, որ «ԱՄՆ-ն վերջին տարիներին ամեն տարի տրամադրել է մոտ 6 միլիարդ դոլար հումանիտար օգնության համար և շարունակում է մնալ խոշորագույն հումանիտար դոնորը»: Մասնավորապես, «միայն Սիրիայի ճգնաժամից տուժածներին ԱՄՆ-ն տրամադրել է 4.5 միլիարդ դոլար»:
Փաստաթղթում նշված է, որ այդ միջոցները հատկացվում են փախստականների և այլ մարդկանց աջակցման համար, որոնց վրա ազդել են բնական աղետները կամ մարդկանց կողմից ստեղծված հակամարտությունները:
