Սաուդյան Արաբիայի թագավորի յոթերորդ որդին` արքայազն Թուրքի բին Աբդուլլահ բին Աբդել Ազիզը հայտնվել է հետաքննության կենտրոնում, որն ԱՄՆ-ի իշխանությունները վարում են Barclays բրիտանական բանկի դեմ: Այս մասին հաղորդում է The Financial Times-ը` վկայակոչելով իր անանուն աղբյուրներին, որոնք ծանոթ են հետաքննության ընթացքին:
Պարբերականի տվյալներով` ԱՄՆ արդարադատության նախարարությունը ստուգում է բանկի երկու փոխանցումները, որոնք արվել են արքայազնի հասցեին: Քննիչները կասկածում են, որ 2009 թ. իրականացված փոխանցումներից մեկը կապված է եղել Սաուդյան Արաբիայում CMA կարգավորող մարմնի կողմից Barclays-ի արտոնագիր ստանալու հետ: Եվս մեկ վճարում իրականացվել է՝ կապված մեծ վարկը փոխհատուցելու բրիտանական ֆինանսական կազմակերպության փորձերի հետ:
Ինչպես նշում է թեթրը, բանկում հայտարարել են, որ արքայազն Թուրքին հանդես է եկել որպես խորհրդատու՝ Սաուդյան Արաբիայում արտոնագիր ստանալու և տեղի շուկայում կարևոր հարցերի լուծման ժամանակ: Barclays-ում ընդգծել են, որ որևէ անօրինական վճարում չեն կատարել արտոնագիրը ստանալիս և հավաստիացրել են, որ համագործակցում են քննության հետ: Թերթին չի հաջողվել մեկնաբանություն ստանալ արքայազն Թուրքիից:
