Գյուղական պայմաններում ապրում են՝ քաղաքի օրենքներով դատվում:
Նոր Խարբերդի այգեգործական ընկերությունների տարածքներն են: Այստեղի բնակիչները տարվա առաջին ամսվա վերջին օրերին ծանուցում են ստացել, որ ապօրինի ընտանի կենդանիներ պահելու համար ենթարկվել են վարչական տույժերի:
15 հավ, 3 հնդկահավ են պահում, 3 շուն էլ ունեն տունն ու տնտեսությունը հսկելու համար:
Ֆրունզիկ Թամրազյանը կնոջ հետ է ապրում, իրենց տնից մի քանի գողություն է կատարվել, այդ պատճառով են որոշել շներ պահել:
Ֆրունզիկ Թամրազյանը վարչապետին նամակ է գրել, ոչ միայն իր, այլև իր հարևանների խնդիրն է բարձրացնում: Ընտանի կենդանիներ կարիքից դրդված են պահում, չեն կարող նրանց համար հարկ վճարել:
Երևանի քաղաքապետարանի ավագանու 434 որոշումն է այս մարդկանց վրա կիրառվում: Քաղաքապետարանին զգուշացնում են. Մինչև քաղաքի պայմաններում չապրեն, քաղաքի օրենքներին չեն ենթարկվելու:
