Ինչպես հայտնի է դարձել, նիհարելու խնդիրների մեծ մասի հիմքը գտնվում է ուղեղում: Ելի համալսարանի հետազոտողները նկատել են, որ ուղեղը նախընտրում է բարձր կալորիականություն ունեցող մթերքներ, նույնիսկ եթե դրանց համն ավելի վատն է, քան ցածր կալորիականությամբ այլընտրանքներինը: Գիտնականները պարզել են, որ բարձր կալորիականությամբ սնունդներն ուղեղում առաջացնում են առավել ինտենսիվ ռեակցիա, քան ցածր կալորիականությամբ մթերները: Այս մասին հայտնում է Raut.ru-ն:
Հետազոտողները նկատել են, որ սննդի ընդունման ժամանակ ակտիվացող ուղեղի երկու տարբեր հատվածներից մեկն առնչվում է արյան մեջ շաքարի մակարդակի տատանումներին, իսկ մյուսն արձագանքում է սննդի համին: Հետազոտության ժամանակ իրականացվել է ուղեղի սքանավորում, որի արդյունքում պարզվել է, որ ուղեղն արձագանքել է քաղցր ըմպելիքների համին, երբ արյան մեջ շաքարի մակարդակը բարձրացել է:
Այդ ռեակցիաներն ուղեղին տվել են սննդից բավարարվելու զգացողություն: Գլխուղեղի ռեակցիան կապված չէ այն բանի հետ, թե որքան է մարդը հաճույք ստացել ըմպելիքից: Այսպիսով՝ հետազոտողները ենթադրում են, որ որոշ մարդիկ, որոնք շատ են ուտում, դա անում են ոչ թե այն պատճառով, որ նախընտրում են բարձր կալորիականությամբ սնունդ, այլ այն պատճառով, որ արյան մեջ շաքարի մակարդակն ավելի բարձր է, քան այլ մարդկանց մոտ:
