«Մանչեսթեր Յունայթեդ»-ի պաշտպան Ռիո Ֆերդինանդի ծառայություններով հետաքրքրված են 7 ակումբներ, այդ թվում` 2-ը ներկայացնում են Ռուսաստանը: Այդ մասին է հայտնում The Sun-ը:
34-ամյա ֆուտբոլիստի գործող պայմանագրի ժամկետը լրանալու է ամռանը, իսկ նոր պայմանագրի շուրջ բանակցություններ դեռևս չեն սկսվել, քանի որ ակումբում տեղի է ունենալու գլխավոր մարզչի փոփոխություն:
Բացի ռուսաստանյան երկու ակումբներից, որոնց անվանումները դեռևս չեն հրապարկվում, Ֆերդինանդի ծառայություններով հետաքրքրված են «Գալաթասարայ»-ը, «Մոնակո»-ն, «Ֆլամենգո»-ն, ևս երկու ակումբ` Մերձավոր արևելքից:
Ֆերդինանդին կարող են շուրջ 10 մլն ֆունտ աշխատավարձ առաջարկել: Սակայն ֆուտբոլիստի համար գումարն այնքան էլ մեծ նշանակություն չունի:
