Ռուսական RIA Novosti լրատվական գործակալության փոխանցմամբ՝ ԵՄ-ը մտահոգ է երկու լրագրողի ցմահ ազատազրկման դատապարտելու մասին Թուրքիայի դատախազության պահանջից։ Այդ մասին հայտարարել է ԵՄ-ի դիվանագիտության ղեկավար Ֆեդերիկա Մոգերինիի պաշտոնական ներկայացուցիչ Մայա Կոսյանչիչը.
«Մենք խորապես մտահոգված ենք ցմահ ազատազրկման համար, որը երկու լրագրողի՝ Cumhuriyet թերթի գլխավոր խմբագրի (Ջան Դյունդար) ու Անկարայում թերթի բյուրոյի ղեկավարի (Էրդեմ Գյուլ) համար պահանջել է դատախազությունը։
Ինչպես հայտարարել ենք բազմիցս, մենք ակնկալում ենք, որ Թուրքիան իր օրենսդրությունը կհամապատասխանեցնի եվրոպական չափորոշիչներին։
Մենք նաև հիշեցրել ենք ենթադրյալ բոլոր իրավախախտումների անկախ ու թափանցիկ հետաքննման իրավունքի մասին։ Այդ հարցը մշտապես արծարծվում է Թուրքիայի վերաբերյալ զեկույցներում, ինչպես նաև կանոնավորապես քննարկվում է թուրքական իշխանությունների հետ»։
