Թուրքական Son dakika լրատվական կայքի փոխանցմամբ՝ Դիարբեքիրի նահանգի Սուր շրջանում երեկ թեժ բախումներ են տեղի ունեցել «Քրդստանի աշխատավորական» կուսակցության (PKK) զինյալների հետ, որոնք շարունակվել են նաև այսօր։
Այդ բախումների հետևանքով զոհվել է 4 զինծառայող և 1 ոստիկան (հատուկջոկատային)։ Ընդ որում՝ 4 զինծառայողները զոհվել են երեկ, իսկ ոստիկանը՝ այսօր առավոտյան։ Ոստիկանը ծանր վիրավորվել է, նրան տեղափոխել են հիվանդանոց, սակայն բժիշկներին չի հաջողվել փրկել նրա կյանքը։
Երեկվա բախումների ժամանակ վիրավորվել է ևս երկու զինծառայող, որոնց վիճակը գնահատվում է ծանր։ Բախումները շարունակվում են։
