Ամերիկյան հայտնի երգչուհի Մերայա Քերին երկվորյակ է ունեցել: Այս մասին հաղորդում է People ամսագիրը: Ապրիլի 30-ին Քերին տղա և աղջիկ է լույս աշխարհ բերել Լոս Անջելեսի հիվանդանոցներից մեկում: 41-ամյա Քերիի ներկայացուցիչն ասել է, որ երկվորյակներն իրենց շատ լավ են զգում: Նշվում է, որ ծննդաբերությունից հետո երգչուհու հիվանդանոցային սենյակում հնչել է հայտնի We belong together երգը:
Հայտնի է նաև, որ արդեն որոշվել են երեխաների անունները, սակայն գաղտնի են պահվում: Երեխաների հայրը` 30-ամյա դերասան Նիք Քենոնը, ասել է, որ անունները կլինեն «յուրահատուկ, սակայն ոչ էքսցենտրիկ»:
Ինչպես հաղորդում է Associated Press գործակալությունը, քե՛ Մերայան և թե՛ Նիքն առաջին անգամ են ծնող դառնում: Քերին արդեն ասել է, որ ինքն այլևս չի պատրաստվում երեխա ունենալ:
