Բոստոնի մարաթոնի պայթյունների իրականացման մեջ կասկածվող Թամերլան Ցարնաևի այրին նոր փաստաբան է վարձել:
Ինչպես հաղորդում է ITAR-TASS-ը՝ հղում կատարելով ամերիկյան ԶԼՄ-ներին, այդ փաստաբանը մասնագիտացած է ահաբեկչության մեջ կասկածվողների շահերի պաշտպանությամբ:
Բացի այդ՝ 24-ամյա Քեթրին Ռասելի թիմում կան դեռ 2 փաստաբաններ քաղաքացիական գործերով: Նրանցից մեկի՝ Ամատո Դելուկի խոսքով՝ Ռասելը կշարունոակի համագործակցությունը հետաքննության հետ:
ԶԼՄ-ների տեղեկություններով՝ Ռասելը, որը սկզբում հանդիպել էր Հետաքննությունների դաշնային բյուրոյի աշխատակիցների հետ, այնուհետև հրաժարվել էր վկայություններ տալ: Դրա հետ կապված՝ տեղեկություն հայտնվեց, որ նա, հավանաբար, առնչություն է ունեցել ահաբեկչության հետ և օգնել է Ցարնաև եղբայրներին թաքնվելու իշխանություններից՝ այն բանից հետո, երբ Հետաքննությունների դաշնային բյուրոն տարածեց նրանց լուսանկարները:
